Túrkııa parlamenti 63,49% jańalandy
22:28, 17 Mamyr 2023
ANKARA. ANADOLY. QazAqparat – 14 mamyr kúni Túrkııada ótken saılaýdyń aldyn ala nátıjesi boıynsha 28-inshi shaqyrylymdaǵy parlamentke júzdegen jańa esim endi. QazAqparat bul týraly Anadolý-ǵa silteme jasap habarlaıdy.
600 depýtattyń 335-i mandatty alǵash alady. Sondaı-aq 46 halyq qalaýlysy – parlamenttiń 27-inshi shaqyrylymyna deıin depýtat bolǵandar.
Osylaısha, tarqatylǵan 27-inshi shaqyrylymda depýtat bolmaǵan 381 adam jańa parlamentke enip otyr. Qaıta saılanǵandar – 219 adam. ıAǵnı parlament 63,49 paıyzǵa jańardy.
Eske salaıyq, 14 mamyrda Túrkııada prezıdent jáne parlament saılaýy ótti.
Prezıdent saılaýynyń ekinshi kezeńi 28 mamyrǵa belgilendi.