Túrkııa «Ortalyq Azııa» termınin tarıhı «Túrkistan» ataýyna aýystyrmaqshy

<p>ASTANA.KAZINFORM - Túrkııanyń Ulttyq bilim mınıstrligi tarıh pániniń jańa baǵdarlamasyna túbegeıli ózgerister engizdi. Atap aıtqanda, &laquo;Ortalyq Azııa&raquo; termıni &laquo;Túrkistan&raquo; degen sózben aýystyrylady.&nbsp;</p>

Prezıdent Rejep Taıyp Erdoǵan «Túrik ǵasyry» baǵdarlamasy aıasynda túrki áleminiń jańa jahandyq derjava bolý nıetimen Túrkııamen birge «Túrki dáýirin» jalǵastyrý nıetin jarııalady.

Túrkııa basshysy birliktiń mańyzdylyǵyna toqtalyp, túrki halyqtary geosaıası syn-qaterlerge tótep berip, berik bolýy kerektigin aıtty.

Túrkııanyń bilim mınıstrligi bul kózqarasty 2024-2025 oqý jylyna arnalǵan jańa bilim berý baǵdarlamasy — "Túrkııa ǵasyrynyń bilim berý modeli" arqyly qoldaıdy.

Jańa baǵdarlama aıasynda, ásirese, tarıh pánin oqytýǵa eleýli ózgerister engizildi. Mysaly, «Ortalyq Azııa» termıni tarıhı naqty «Túrkistan» uǵymymen aýystyryldy.

Túrkııa Bilim mınıstrligi mamandarynyń aıtýynsha, bolashaq urpaq túrki bolmysyn, ulttyq sana-sezimi men otansúıgishtik sezimimen tárbıelenedi.

Túrik sarapshylarynyń pikirinshe, "Túrkistan" termıni ejelgi zamannan beri túrikter qonystanǵan jerlerge qatysty qoldanylǵan jáne onyń bilim berý baǵdarlamalaryna oralýy tarıhı ádilettilikti qalpyna keltirýge jáne túrki áleminiń birligin nyǵaıtýǵa baǵyttalǵan mańyzdy qadam.

Osylaısha, Túrkııanyń bilim mınıstrligi Uly Túrkistan murasyn saqtaý jaýapkershiligin óz moınyna aldy.