Túrkııa mınıstrligi jer silkinisinen kelgen shyǵyndy eseptedi

ANKARA. QazAqparat –Túrkııa qarjy jáne qazynashylyq mınıstrligi Kahramanmarash provıntsııasyndaǵy jer silkinisiniń ekonomıkalyq zalalyn eseptedi, dep habarlaıdy QazAqparat trthaber.com. saıtyna silteme jasap.

Agenttiktiń málimetine qaraǵanda, tabıǵı apattan keıin óńirlerdi qalpyna keltirý jáne qaıta qurylymdaýǵa 2 trln túrik lırasy (104 mlrd dollar) qajet. Sarapshylardyń baǵalaýynsha, bul soma 2023 jyly eldiń tabysynyń 9%-yn quraıdy.

Budan bólek, ekonomıkadaǵy materıaldyq zalal 1999 jyly Izmıt qalasyna jaqyn mańda bolǵan jer silkinisinen bolǵan zardaptan alty esege kóp.

Eske sala ketsek, 6 aqpanda Túrkııada magnıtýdasy 7,7 baldyq joıqyn jer silkinisi boldy. Epıtsentri Kahramanmarash provıntsııasyndaǵy Pazardjık aýdanynda bolǵan zilzala oshaǵy 7 shaqyrym tereńdikte bolǵan. Jer silkiný saldarynan Hataı, Gazıantep, Kılıs, Osmanıe, Malatıa, Adyıaman, Shanlyýrfa, Dııarbekır, Adana jáne Kahramanmarash provıntsııalarynda kóptegen ǵımarattar qırady.