Túrkııa Kedendik odaqpen erkin saýda aımaǵyn qurýy yqtımal

ASTANA. QazAqparat - Túrkııa Kedendik odaq elderi, Reseı, Belarýs jáne Qazaqstanmen arada erkin saýda aımaǵyn qurýy týraly bastama kóterdi, dep jazady 24.kz.

Mundaı málimetti Reseıdiń ekonomıkalyq damý mınıstri Alekseı Ýlıýkaevqa silteme jasaǵan RIA Novostı aqparat quraly taratty. Avstralııalyq Sıdneıde bolǵan G20 saýda mınıstrleriniń kezdesý alańynda Ýlıýkaev: «Biz bolýy yqtımal yntymaqtastyqtyń formasyn, sonymen qosa Túrkııa men Kedendik odaq arasynda erkin saýda aımaǵyn qurý máselesin talqyladyq. Tıisti jumys tobyn qurýǵa jáne qyrkúıek aıynda bul máseleni túbegeıli talqylaýǵa kelistik», - dedi. Ýlıýkaevtyń sózine qaraǵanda Túrkııa mınıstri Kedendik odaqpen tyǵyz qarym-qatynasta bolý týraly usynys aıtqan kórinedi. Qazirgi ýaqytta Túrkııa men Eýroodaq arasynda erkin saýda aımaǵy boıynsha kelisim bar.