Túrkııa Qazaqstanǵa ushqyshsyz avıatsııalyq júıelerin tegin beredi

<p>ASTANA. KAZINFORM &ndash; 2024 jyly Qazaqstan armııasynyń quramalary men áskerı bólimderinde ushqyshsyz avıatsııalyq júıeleriniń bólimsheleri quryldy, dep habarlaıdy QR Qorǵanys mınıstrliginiń baspasóz qyzmeti.</p>

Búginde barlaý-soqqy berý ushqyshsyz basqarylatyn Wing Loong jáne Skylark barlaýshy ushý apparaty qyzmet etip jatyr. Qazirgi zamanǵy túriktiń ushqyshsyz basqarylatyn ANKA apparaty tájirıbelik áskerı synaqtardan sátti ótip, paıdalanýǵa berildi. 

Sarapshylar ushqyshsyz ushý apparattaryn paıdalanýdyń halyqaralyq tájirıbesin belsendi túrde zerdeleý ústinde. 2024 jyly UQK Shekara qyzmeti men Ulttyq ulannyń 159 áskerı qyzmetkeri men 24 qyzmetkeri oqýdan ótti. Jyl saıyn orta eseppen 200-ge deıin adam oqytylyp júr. 

Foto: Qorǵanys mınıstrligi

Ekijaqty áskerı yntymaqtastyq aıasynda Qazaqstannyń Qorǵanys mınıstri general-polkovnık Rýslan Jaqsylyqov Túrkııada ótip jatqan SAHA EXPO-2024 halyqaralyq kórmesine bardy, onda Baykar Defence kompanııasynyń bas dırektory Halýk Baıraktarmen kelissózder júrgizildi.

Taraptar bizdiń elimizdiń aýmaǵynda taktıkalyq ushqyshsyz avıatsııalyq júıeler men jedel ushatyn oq-dárilerdi óndirýdi lokalızatsııalaý máselesi boıynsha jol kartasyn ázirleýge kelisti.
Keıin Ystanbul men Ankaraǵa sapary barysynda Qazaqstannyń áskerı delegatsııasy BAYKAR, HAVELSAN, ASELSAN jáne TRANSVARO kompanııalarynyń zaýyttaryn, óndiristik tsehtaryn, konstrýktorlyq bıýrolaryn aralap, olardyń ónimderimen jan-jaqty tanysty.

Foto: Qorǵanys mınıstrligi

Corlu jáne Kesan oqý-synaq polıgonynda túrik mamandary Bayraktar AKICI, Bayraktar TB3, Bayraktar TB2, Bayraktar Kalkan ushqyshsyz avıatsııalyq júıeleri men Mosquito-X oq-dárileriniń praktıkalyq kórsetilimin ótkizdi.

Kelissózder qorytyndysy boıynsha túrik tarapynyń Qazaqstan Qarýly Kúshterin áskerı synaqtar ótkizý úshin Bayraktar Kalkan, Bayraktar Mini ushqyshsyz basqarylatyn avıatsııalyq apparattar jáne Mosquito-X oq-dárisimen tegin qamtamasyz etý nıetin rastaıtyn Qazaqstan Respýblıkasy Qorǵanys mınıstrligi delegatsııasy men BAYKAR kompanııasy arasyndaǵy jumys kezdesýiniń hattamasyna qol qoıyldy. 

Sonymen birge, ushqyshsyz avıatsııaǵa qarsy is-sharalar ázirlenip, zerttelý ústinde.

Foto: press-slýjba Mınısterstva oborony RK.