Túrkııa Qazaqstanǵa medıtsınalyq quraldar jiberedi

NUR-SULTAN. QazAqparat - Túrkııa Qazaqstanǵa taǵy da kómek kórsetpek. Bul joly baýyrlas túrik halqy Qazaqstanǵa medıtsınalyq quraldar jibermek, dep habarlaıdy QazAqparat.

«Qadirli otandastarymyz jáne baýyrlas Qazaqstan halqy! Koronavırýs indetine baılanysty bastan keship jatqan osy qıyn-qystaý kezeńde Túrkııa dos ári baýyrlas Qazaqstannyń janynda ekenin jetkizgimiz keledi. Túrkııa Respýblıkasy Úkimeti men Qazaqstan Respýblıkasy Úkimeti arasynda qol qoıylǵan Ózara túsinistik memorandýmy aıasynda, tómende tizimi kórsetilgen medıtsınalyq quraldar Qazaqstan Respýblıkasyna qaıtarymsyz negizde tartý etiledi»,-delingen habarlamada.

Medıtsınalyq quraldardyń ishinde:

· 30 dana jasandy tynys alý apparaty

· 50 000 dana «N95» betperdesi

· 100 000 dana medıtsınalyq betperde

· 35 000 dana qorǵanysh kostıými

· 2 000 dana bet qorǵaýshy maskalar

· 2 dana PTR taldaýyna arnalǵan jabdyq

· 30 000 dana SARS-CoV-2 (2019-nCov) RT-qPCR laboratorııalyq taldaý synaýyǵy

· 30 000 dana vırýstyq nýkleın qyshqylyn oqshaýlaý synaýyǵy

· 10 000 qorap gıdroksıohlorokın dárisi.

«Elimizdiń baýyrlas Qazaqstan halqymen yntymaqtastyq rýhy aıasynda, buǵan deıin de Túrkııadan Qazaqstanǵa ártúrli medıtsınalyq quraldardan turatyn kómek paketi jetkizilgen bolatyn. Qurmetimizdi bildiremiz»,-deıdi túrkııalyqtar.