Túrkııa Qazaqstanǵa gýmanıtarlyq qoldaý kórsetti

ALMATY. QazAqparat - 9 mamyrda Almatyǵa Túrkııa Respýblıkasynyń Úkimeti atynan gýmanıtarlyq júk jetkizildi, dep habarlaıdy QazAqparat QR SІM baspasóz qyzmetine silteme jasap.

Júktiń ishinde medıtsınalyq maska (150 myń dana), betke arnalǵan qorǵanys ekrany (50 dana), kózdi qorǵaıtyn kózáınek (100 dana), kombınızon (300 dana) jáne dezınfektsııalyq quraldar bar.

«Baýyrlas Túrkııanyń bul qadamy koronavırýs indetimen kúrestegi jahandyq yntymaqtastyqtyń aıqyn kórinisi bolyp tabylady», delingen habarlamada.
Sonymen qatar, 11 mamyrda Túrkııanyń jetekshi farmatsevtıkalyq óndirýshisi «Abdi Ibrahim» kompanııasy da COVID-19 koronavırýsymen kúresýde belsendi qoldanylatyn, quramynda hlorokın bar «Kutlu» dárisi men atsetıltsısteın preparatyn Qazaqstanǵa gýmanıtarlyq qoldaý retinde jibergen.
Gýmanıtarlyq júkti medıtsınalyq mekemeler arasynda taratý úshin biryńǵaı dıstrıbıýtor «SQ-Farmatsııa» JShS qabyldap aldy.

Budan buryn Qazaqstanǵa gýmanıtarlyq kómekti YDA Holding, Anadolu Endustri Holding (Coca-Cola Icecek), Nobel Ilac sııaqty basqa da birqatar túrkııalyq ınvestorlar jibergen edi.