Túrkııa halqynyń tórtten bir bóliginen astamy - balalar

ANKARA. ANADOLY - QazAqparat - 2022 jyldyń aıaǵynda Túrkııada 17 jasqa deıingi balalar men jasóspirimder sany 22 578 378 -di, ıaǵnı el halqynyń 26,5 paıyzyn qurady. Mundaı málimetterdi seısenbi kúni Túrkııa Statıstıka ınstıtýty (TÜİK) jarııalady, dep habarlaıdy QazAqparat Anadoly aqparat agenttigine silteme jasap.

Halyqty maqsatty tirkeý júıesiniń qorytyndylary boıynsha, 2022 jyldyń sońynda Túrkııa azamattarynyń sany 85 279 553 adamdy qurady.

Ótken jyldyń sońynda eldegi balalar men jasóspirimderdiń 51,3 paıyzy uldardy, 48,7 paıyzyn qyz balalar quraǵan.

Salystyrtyrmaly túrde, BUU málimeti boıynsha 1970 jyly balalar Túrkııa halqynyń 48,5 paıyzyn quraǵan. 1990 jyly bul kórsetkish 41,8 paıyzǵa, al 2022 jyly 26,5 paıyzǵa deıin qysqarǵan.

Demografııalyq boljamǵa sáıkes, 2030 jyly Túrkııadaǵy balalardyń úlesi 25,6 paıyzdy, 2040 jyly - 23,3 paıyzdy, 2060 jyly - 20,4 paıyzdy, 2080 jyly - 19 paıyzdy quraıdy.

Eýropalyq Odaqqa (EO) múshe 27 eldegi balalar sanyn taldaý kórsetkishterine qarasaq, 2022 jyly ortasha kórsetkish 18,1 paıyzdy qurady.