Túrkııa elshisi sapasyz ǵımarat salǵandar sot aldynda jaýap beretinin aıtty

ASTANA. QazAqparat – Jer silkinisinen qıraǵan ǵımarattardy zertteý júrgizilip jatyr. Onyń nátıjesinde sapasyz materıaldardy qoldanǵan nemese qurylys standarttaryn saqtamaǵan jaǵlaılar anyqtalsa, jaýaptylar sot aldynda jaýap beredi. Bul týraly Túrkııa Respýblıkasynyń Qazaqstandaǵy Tótenshe jáne ókiletti elshisi Ýfýk Ekıdjı aıtty, dep habarlaıdy QazAqparat tilshisi.

«Ózderińiz kórgendeı, jer silkinisi bolǵan aımaqtarda qıraǵan ǵımarattardyń kóbi eski. Árıne, qazir barlyq nysannyń qulaý sebepterine zertteý júrgizilip jatyr. Eger onyń barysynda nysannyń qurylysyna sapasyz materıaldar paıdalanylǵany anyqtalsa nemese qurylys standarttary men normalary saqtalmaǵan bolsa, solardy salǵan jaýapty adamdar sot aldynda jaýap beredi», - dep túsindirli Ýfýk Ekıdjı.

Eske salaıyq, buǵan deıin Túrkııada qıraǵan ǵımarattar qurylysyna qatysy bar 564 adam ustalǵan bolatyn.

Búgingi brıfıng barysynda Elshi jer silkinisinen qıraǵan jáne qulaý aldynda turǵan 156 myń ǵımarat anyqtalǵanyn málim etti.