Túrkııa elge kelgen sheteldikterden saýsaq izderin alady

<p>ANKARA. KAZINFORM &ndash; Endi Túrkııaǵa kirgen shetel azamattarynan saýsaq izderi alynady. Bul týraly eldiń ishki ister mınıstri Alı Erlıkaıa málimdedi.</p>

Bolashaqta júzege asyrylatyn mańyzdy jobany jarııalaǵan mınıstr Erlıkaıa Túrkııaǵa kirýdiń AQSh pen Anglııadaǵydaı saýsaq izderi arqyly rastalatynyn habarlady.

Sondaı-aq mınıstr zań aıasynda sheteldikterdiń Túrkııaǵa kelýin qamtamasyz etý boıynsha atqarylyp jatqan jumystar týraly málimdeme jasady. Oǵan sáıkes Túrkııaǵa turaqty qalý úshin kelgen sheteldik azamattar notarıýs arqyly turýǵa ruqsat ala alady.

Sonymen qatar elge oqýǵa kelgen sheteldik stýdentter kóshi-qon basqarmasyna barmaı-aq, ýnıversıtet arqyly rezıdentýraǵa qujat tapsyra alatyny aıtyldy.