Túrkııa COVID-19-ǵa qarsy shekteý talaptaryn jeńildetpek
Bul týraly Túrkııa Prezıdenti Rejep Taııp Erdoǵan Mınıstrler kabıneti májilisiniń qorytyndysyna baılanysty ótkizgen teleúndeýde aıtty, dep habarlaıdy QazAqparat túrkııalyq Anadolu agenttigine silteme jasap.
Rejep Taııp Erdoǵan bıliktiń koronavırýspen kúreske qarsy engizgen birqatar shekteý sharalarynyń jeńildetiletindigin aıtty.
Onyń sózinshe, erteńnen bastap, jeksenbini esepke almaǵanda, kafeterıı, kafe, sháıhanalar, oıyn-saýyq parkteri men osy sııaqty ózge de birqatar nysandar tańǵy saǵat 7-den keshki 9-ǵa deıin jumys isteıdi.
Bul rette ol maýsym aıynda úıden shyǵýǵa baılanysty shekteý senbi men ózge kúnderi saǵat 22:00-den keshki 05:00-ge deıin kúshinde bolalytynyn jetkizdi. Jeksenbi kúni tolyq lokdaýn saqtalady. Osyǵan deıin komendanttyq saǵat jáı kúnderi 21:00-den tańǵy 5-ke deıin engizilgen bolatyn.
Buǵan qosa, Rejep Taııp Erdoǵan Túrkııanyń 2021 jyly koronavırýsqa qarsy óziniń jańa vaktsınasyn shyǵarýdy kózdep otyrǵanyn aıtty.
Aıta keteıik, Túrkııada 29 sáýir men 17 mamyr aralyǵynda tolyq lokdaýn engizildi.