Túrkııa Ázerbaıjan ekonomıkasyna shamamen 12,5 mıllıard dollar ınvestıtsııa saldy

<p>Ázerbaıjan ekonomıkasyna salǵan túrik ınvestıtsııasynyń kólemi shamamen 12,5 mıllıard AQSh dollaryn quraıdy. Bul týraly ázerbaıjan-túrik ınvestıtsııalyq forýmynyń ashylý saltanatynda Túrkııanyń saýda mınıstri Omer Bolat aıtty, dep habarlaıdy <a href="Kazinform" target="_blank" rel="noopener">Kazinform</a> Trend.az <a href="https://www.trend.az/azerbaijan/business/3840224.html" target="_blank" rel="noopener">saıtyna</a> silteme jasap.&nbsp;</p>

- Ázerbaıjan ekonomıkasyna salǵan túrik ınvestıtsııasynyń kólemi, úshinshi elder arqyly salynǵan ınvestıtsııany qosqanda shamamen 12,5 mlrd. dollardy quraıdy. Al Ázerbaıjannyń Túrkııa ekonomıkasyna salǵan ınvestıtsııasy 19,5 mlrd. dollar, - dedi mınıstr. 

Omer Bolat Ázerbaıjan men Túrkııa arasyndaǵy ózara ınvestıtsııa kólemin arttyrý – kún tártibindegi mańyzdy másele bolyp qala beretinin aıtty. 

Búgin Bakýde Ázerbaıjan-Túrkııa ınvestıtsııalyq forýmy bastaldy. Onda túrli salalardaǵy Ázerbaıjan-Túrkııa yntymaqtastyǵyn keńeıtý múmkindikteri qarastyrylyp, ınvestıtsııalyq kelisimderge qol qoıyldy. 

Іs-sharaǵa eki elden 600-den astam memlekettik organdar men jeke sektor ókilderi qatysyp jatyr. Forým aıasynda ınvestıtsııa, saýda, aýyl sharýashylyǵy, qorǵanys ónerkásibi, jasyl energetıka jáne saýyqtyrý týrızmi salalaryn qamtıtyn paneldik sessııalar ótedi.