Túrkııa asa aýyr qylmys jasaǵan R. Álıevti Qazaqstanǵa ekstradıtsııalady

ASTANA. QazAqparat - Túrkııa Respýblıkasynyń Ádilet mınıstrligi qazaqstandyq azamat Rýslan Álıevti aýyr jáne asa aýyr qylmystar jasaǵany úshin qylmystyq jaýapkershilikke tartý úshin ustap berý týraly Qazaqstan Respýblıkasy Bas prokýratýrasynyń ótinishin qanaǵattandyrdy. Bul týraly QR Bas prokýratýrasynyń baspasóz qyzmetinen habarlady.

«Qylmystyq qýdalaý organy Rýslan Álıevti qaraqshylyqpen baılanysty asa qatygezdikpen adam óltirgeni úshin kinálap otyr.

Ol qylmys jasaǵan soń tergeýden jasyrynyp júrgen jáne osyǵan baılanysty halyqaralyq izdeýge salynǵan. Ony Túrkııa Interpoly Antalıa qalasynda ustady.

Antalıa qalasynyń Joǵary soty Qazaqstan Respýblıkasy Bas prokýratýrasynyń atalǵan tulǵany ustap berý týraly ótinishin qanaǵattandyrdy.

Aıyptalýshy sot qadaǵalaý satylaryna birneshe márte shaǵymdanǵan, biraq túrikter tarapynan bul ótinishter qanaǵattandyrýsyz qaldyrylyp, ony Qazaqstan Respýblıkasyna berý týraly sheshim ózgerissiz qaldyrylǵan.

Eki eldiń quqyq qorǵaý organdarynyń jedel ári tıimdi yqpaldastyǵynyń nátıjesinde Rýslan Álıev Qazaqstan Respýblıkasyna ekstradıtsııalandy», - dep jazylǵan habarlamada.