Túrkııa Afrıkadan munaı men gaz izdeıdi

<p>ASTANA. KAZINFORM &ndash; Túrkııa Somalıde munaı jáne gaz barlaý jumystaryn júrgizbek. Bul Túrkııanyń Energetıka jáne tabıǵı resýrstar mınıstri Alparslan Baıraktar málimdedi, dep habarlaıdy <a href="https://www.aa.com.tr/ru/%D1%8D%D0%BA%D0%BE%D0%BD%D0%BE%D0%BC%D0%B8%D0%BA%D0%B0/%D1%82%D1%83%D1%80%D1%86%D0%B8%D1%8F-%D0%BD%D0%B0%D1%87%D0%BD%D0%B5%D1%82-%D1%80%D0%B0%D0%B7%D0%B2%D0%B5%D0%B4%D0%BA%D1%83-%D0%BD%D0%B5%D1%84%D1%82%D0%B8-%D0%B8-%D0%B3%D0%B0%D0%B7%D0%B0-%D0%B2-%D1%81%D0%BE%D0%BC%D0%B0%D0%BB%D0%B8/3374855" target="_blank" rel="noopener">Anadolu Ajansı</a> aqparat agenttigi.</p>

Tıisti kelisimge Túrik munaı korporatsııasy (TPAO) men Somalı munaı basqarmasy qol qoıǵan.

Vedomstvo basshysynyń aıtýynsha, kelisimde kómirsýtekterdi qurlyqta barlaý qarastyrylǵan. Túrkııa men Somalı teńiz salasyndaǵy yntymaqtastyqty keńeıtýdi jalǵastyryp otyr.

Anadolu Ajansı habarlaýynsha, Túrkııanyń «Oruç Reis» seısmıkalyq zertteý kemesi qazirdiń ózinde Somalı jaǵalaýyna jetken.  Onymen birge Zağanos Paşa qosalqy kemesiniń eki fregaty, Sancar platformalyq tireý kemesi jáne Ataman baıqaý kemesi, sondaı-aq áskerı-teńiz qolbasshylyǵyna qarasty eki fregat erip júrdi.

«Oruç Reis» kemesi árqaısysy shamamen 5 myń sharshy shaqyrym aýmaqty qamtıtyn úsh lıtsenzııalyq ýchaskede seısmıkalyq derekterdi jınaıdy.

Osyǵan baılanysty jumystar shamamen 7 aıǵa sozylmaq.