Túrkııa 2020 jyly baılanys spýtnıgin shyǵarady

ASTANA. QazAqparat - Túrkııa Türksat 6A baılanys spýtnıgin 2020 jylǵa qaraı jasap shyǵarady, dep habarlaıdy «QazAqparat» HAA «Anadoly» agenttigine silteme jasap.

Türksat bas dırektorynyń orynbasary Hasan Hýseıın Ertok eger jobany sheteldik kompanııa júzege asyrǵanda, qosymsha 200 mıllıon dollar qajet bolýy múmkin ekendigin tilge tıek etip, spýtnıkti ushyrýǵa jumsalatyn búkil qarjyny Türksat kompanııasy óz mindetine alatynyn málimdedi.

TÜBİTAK Qoǵamdyq zertteýlerdi qoldaý tobynyń úılestirýshisi Mýstafa Aıdyń aıtýynsha, 2014 jyly qolǵa alynǵan Türksat 6A jobasyn júzege asyrý protsesin toǵyz táýelsiz baqylaýshydan tys, Türksat jáne TÜBİTAK kompanııalarynyń sarapshylary da únemi qadaǵalap otyr.

Türksat 6A jobasyna 350 zertteýshi jumyldyrylyp, 546 mıllıon túrik lırasy quıylǵan.

Massasy 4250 kılogramm ǵaryshqa shyǵarylǵan soń Túrkııadan tys Eýropa men Úndistanǵa da habar taratady.