Túrkitildes elderdiń birlesken anımatsııalyq jobasyn jasaý usynyldy

NUR-SULTAN. QazAqparat – Ázerbaıjan Qazaqstannyń anımatsııalyq fılmder shyǵarý jónindegi tájirıbesine qyzyǵýshylyq tanytady. Bul týraly QR Aqparat jáne qoǵamdyq damý mınıstri Asqar Omarov pen Ázerbaıjan Respýblıkasy Prezıdentiniń kómekshisi – Prezıdent Ákimshiligi syrtqy saıasat bóliminiń jetekshisi Hıkmet Gadjıevtiń onlaın kezdesýinde aıtyldy, dep habarlaıdy QazAqparat vedomstvo saıtyna silteme jasap.

Kezdesý barysynda Qazaqstannyń Ázerbaıjanmen yntymaqtastyǵy jáne damý perspektıvalary, atap aıtqanda qazaqstandyq anımatsııalyq-mýltıplıkatsııalyq fılmderdi dıstrıbýtsııalaý, serıaldyq jáne derekti ónimdermen almasý, qazaqstandyq telearnalardy Ázerbaıjan aýmaǵynda taratý máseleleri talqylandy.

«Biz óz tájirıbemizdi ortaǵa salamyz jáne ázerbaıjandyq áriptester úshin anımatsııalyq-mýltıplıkatsııalyq fılmder jasaý boıynsha oqytý kýrstaryn uıymdastyrýǵa daıynbyz», - dedi Asqar Omarov.

Sondaı-aq, mınıstr aldaǵy is-sharalar aıasynda túrkitildes elderdiń jastar saıasatynyń prezentatsııasyn jasap, yntymaqtastyqty nyǵaıtýdy usyndy. Sonymen birge, ázerbaıjandyq mamandardy Orta Azııadaǵy basty shara – Astana Media Week-ke shaqyrdy.

Óz kezeginde Ázerbaıjan tarapy túrkitildes elderdiń birlesken anımatsııalyq jobasyn jasaýdy usyndy, sondaı-aq Qazaqstan tarapyna óziniń televızııalyq kontentin berýge daıyn ekendigin bildirdi. Qazaqstannyń anımatsııalyq fılmder shyǵarý jónindegi tájirıbesine qyzyǵýshylyq tanytty. Sonymen qatar, Hıkmet Gadjıev Qazaqstan men Ázirbaıjan arasyndaǵy jastar yntymaqtastyǵyn damytý jónindegi birlesken is-sharalar josparyn ázirleýdi usyndy.

Foto : gov.kz