Túrkistildes BAQ ókilderi ıAsaýı kesenesiniń aınalasyn kógaldandyrýǵa úles qosty
Osylaısha Memleket basshysynyń orman alqaptarynda 2 mlrd, eldi mekenderde 15 mln aǵash otyrǵyzý týraly tapsyrmasyn oryndaýǵa start berildi. Sheteldik jýrnalıster ekologııalyq jobaǵa atsalysyp, oblys ákiminen suhbat aldy. Jalpyulttyq joba Ekologııa, geologııa jáne tabıǵı resýrstar mınıstrligi jáne oblystyq ákimdikpen birlesip, júzege asýda.
«Islam baǵy degen túsinik bar. Islam baǵy – jumaq baǵy. Mundaı úlken kesenelerdiń tóńireginde baý-baqsha, kógaldandyrý aaımaqtary bolý kerek. Osyǵan baılanysty arnaıy joba jasap, sondaı Islam baǵyn jasap jatyrmyz. Jergilikti klımatqa jaraıtyn eń ádemi, eń shyraıly taldardy alyp kelip, egip jatyrmyz. Bul taldar jyl on eki aı boıy gúldep turatyn bolady. 7 gektar jerge, ıAsaýı kesenesiniń tóńireginde osyndaı baý jasaýdy uıǵardyq. Bir jyldyń ishinde bitirdik. Dál qazir eń sońǵy aǵashty otyrǵyzdyq», - dedi oblys ákimi Ómirzaq Shókeev Túrkitildes elderiniń tilshilerine bergen suhbatynda.
Túrkistan oblysynyń ınvestıtsııalyq-týrıstik múmkindigi týraly habar taratýdy arttý maqsatynda sheteldik BAQ ókilderine arnalǵan «TURKISTAN MEDIA FORUM: INVESTMENT AND TOURISM OPPORTUNITIES» atty roýd-shoý uıymdastyryldy. Oǵan Ázerbaıjan, Bashqurtstan, Qyrǵyzstan, Majarstan, Ózbekstan, Saha, Tájikstan, Túrkııa elderinen kelgen túrli baspa jáne elektrondy BAQ ókilderi qatysty. Roýd-shoýǵa qatysýshylar úshin 20-22 naýryz aralyǵynda baspasóz týrlary josparlanǵan. Olar qasıetti Túrkistan topyraǵyndaǵy tarıhı-mádenı muralardy aralaıdy. Túrkitildes elderiniń tilshileri úshin Arystan bab kesenesi, Otyrar qalashyǵy, Otyrar aýdany ortalyǵy, Qoja Ahmet ıAsaýı sáýlet kesheni boıynsha ekskýrsııa, Aqmeshit úńgiri men Kemeqalǵan monýmentine barý jáne basqa da is-sharalar josparlanǵan.