Túrkistannyń Saıram aýdanynda tigin fabrıkasy ashyldy
15:31, 28 Naýryz 2019
TÚRKІSTAN. QazAqparat - Túrkistan oblysy Saıram aýdanynyń ortalyǵy Aqsýkent eldi mekeninde áskerı jáne arnaıy kıimderdi, tósek jabdyqtaryn tigetin «AHBK» tigin fabrıkasy ashyldy, dep habarlaıdy QazAqparat.
Oblys ákimdiginiń baspasóz qyzmetinen málim etkendeı, óndiris ornyn kásipker Nurlan Saparov óz qarajaty esebinen iske qosyp otyr. Joba quny - 1 mlrd 200 mln teńge. Nátıjesinde 100-den astam jergilikti turǵyn jumyspen qamtyldy. Aldaǵy ýaqytta óndiristi ulǵaıtyp jumys ornyn 250 adamǵa arttyrý josparlanýda. Qazirgi tańda fabrıka «Qazaqstan temir joly» AQ-men jáne QR Qorǵanys mınıstrliginiń, sondaı-aq jeke óndiris oryndarynyń tapsyrystaryn oryndaýǵa kirisip ketken.
Atalǵan fabrıkanyń ashylýyna aýdan ákimi Baqtııar Mamaev qatysyp, óndiris ornynyń ashylýymen quttyqtady.