Túrkistanǵa saıahattaýshylar baratyn jerimen aldyn ala onlaın tanysa alady
Jıynda shahar basshysy Rashıd Aıýpov qalany damytý baǵytyndaǵy atqarylǵan jumystary men josparlary týraly baıandady. Onyń sózinshe, jańadan daıyndalǵan týrıstik sebetine elektrokarmen aralaý men gıd, aýdıogıd kómegime júginýge bolady.
«Ento jáne brendtelgen kádesyılar dúkenderine saıahattar kiredi. Kólikpen Saýran qalasyna safarı, búrkitter shoýy, kún batqanda dalaǵa túıeler kerýenin júrgizý jáne qobyz úniniń súıemeldeýimen keshter, kóshpendiler shoýy, ystyq tandyr nan men saýmal iship, attylardyń alaýlarmen jaryqtandyrylǵan kórinisteri ótedi. Túrkistan qalasynda birqatar qurylys jumystary shilde aıynda tolyq aıaqtalmaq. «Áziret Sultan» qoryq murajaıynyń aýmaǵyn abattandyrý qurylysy 3 kezeńge bólingen. Káriz júıesin júrgizýge jer qazylyp, sý burqaq alańyna beton quıý jumystary jalaǵasýda. «Tuńǵysh Prezıdent saıabaǵynda» búgingi tańda jalpy káriz jáne elektr júıeleri tolyqtaı aıaqtaldy. Jaryq júrgizilip, syrtqy sý júıesi iske qosylǵan. Saıabaqta 2 myńdaı túr aǵash otyrǵyzylǵan»,- dedi Rashıd Aıýpov.
Jıynda qala ákimi sondaı-aq, qalanyń rýhanı-mádenı ortalyǵynyń alań ishindegi ınjenerlik-ınfraqurylym qurylys men dramteatr aýmaǵyn abattandyrý jumystary da qalypty júrip jatqanyn atap ótti. Kóne sáýlet óneriniń kózi – «Kerýen saraı» kesheniniń qurylysy aldaǵy kúzde aıaqtalatynyn jetkizdi. Teńdesi joq aspan astynda qalqyǵan teatr, jergilikti qolóner sheberleriniń ashyq bazary, erekshe sý burqaqtar men demalys oryndary jergilikti turǵyndar men saıahattaýshylardyń kóńilinen shyǵatynyna senim bildirdi.