Túrkistanǵa kóshetin qyzmetkerlerdiń jalaqysy ósedi - Janseıit Túımebaev
20:56, 25 Shilde 2018
TÚRKІSTAN. QazAqparat - Túrkistan oblysynyń ákimi Janseıit Túımebaev oblys ortalyǵy Túrkistan qalasyna kóshirilýine baılanysty oblys ákimi apparaty men basqarmalardyń qyzmetkerlerimen kezdesti. Jıynda aımaq basshysy Túrkistan qalasynyń damý josparymen bólisip, kóship baratyn qyzmetkerlerge zań talaptary sheńberinde memleket tarapynan kórsetiletin áleýmettik qoldaýlardyń túrlerin túsindirdi, dep habarlaıdy QazAqparat.
Janseıit Túımebaevtyń aıtýynsha, Túrkistan qalasyna kóship baratyn memlekettik qyzmetkerdiń eńbek aqysyna 20 paıyz qosylady. Al, jumys kezeńi úshin tólenetin jyl saıynǵy eńbek demalysy kúntizbelik 30 kúnge qosymsha ekologııalyq kúntizbelik 7 kún merziminde saýyqtyrý demalysy beriletin bolady. Sonymen qatar, eńbek demalysyn berýmen birge jyl saıyn saýyqtyrýǵa arnalǵan tólemderdiń ústine bir aılyq kórsetkish kóleminde materıaldyq kómek beriledi. Osylaısha memqyzmetker eńbek demalysy kezinde jalpy 3 materıaldyq aılyq aqy alatyn bolady.