Túrkistanǵa kelgen týrıst 1 mln teńgesin taksıde umytyp ketti
16:02, 17 Maýsym 2022
TÚRKІSTAN. QazAqparat- Túrkistanǵa qydyryp kelgen qyzylordalyq qonaq 1 mln teńge salynǵan sómkesin taksıde umytyp ketti, dep habarlaıdy QazAqparat tilshisi.
Tek kólikti markasy men túsin ǵana biletin ol aqshasynyń tabylatyndyǵynan úmittenbepti de. Sonda da jaqyn mańdaǵy polıtsııa pýnktine baryp kómek suraǵan. Túrkistan qalalyq polıtsııa bóliminiń qyzmetkerleri jedel basqarý ortalyǵyndaǵy beınebaqylaý kameralary arqyly birneshe saǵat ishinde aryzdanýshynyń sómkesi qalyp ketken kólikti tapqan. Sodan joǵalǵan sómke men ishindegi aqshany ıesine qaıtaryp berdi.
«Tártip saqshylaryna alǵys aıtamyn. Men úmitimdi úzip edim. Imandy da ıbaly jandar kóp eken. Qarajatymdy túgel qaıtaryp berdi»- deıdi qyzylordalyq turǵyn.