Túrkistandyqtarǵa qaryzdaryna qaramastan kommýnaldyq qyzmetter kórsetile bermek

TÚRKІSTAN. QazAqparat – Túrkistan oblysynda kommýnaldyq qyzmetter turǵyndardyń qaryzyna qaramastan, úzdiksiz kórsetile beredi, dep habarlaıdy QazAqparat.

«QR Ulttyq ekonomıka mınıstrligi Tabıǵı monopolııalardy retteý komıtetiniń Túrkistan oblysy boıynsha departamenti tabıǵı monopolııalar sýbektilerine tótenshe jaǵdaı kezinde turǵyndardyń qaryzynyń bolǵanyna qaramastan tutynýshylarǵa kórsetiletin turǵyn úı-kommýnaldyq sharýashylyq salasyndaǵy qyzmetterdi kórsetýdi toqtatpaýǵa keńes beredi. Atap aıtqanda, jaryq, sý, gaz berý qyzmetterine qaryzy barlardyń úıine kórsetiletin kommýnaldyq qyzmetter toqtatylmaıdy. Eger de tabıǵı monopolııa sýbektileri óz quzyreti sheginde tótenshe jaǵdaı kezinde zańsyz áreketke barsa, 8 72 533 4-25-33 telefon nómirine habarlasyp, shaǵymyńyzdy qaldyrýǵa bolady», - delingen Óńirlik kommýnıkatsııalar qyzmeti taratqan aqparatta.