Túrkistandyqtar júrgizýshi kýáligin alý úshin Shymkentke sabylmaıtyn boldy
22 tamyzdan bastap Túrkistan oblysynyń turǵyndary qaladaǵy «Turan-Bereke-QZ» avtodromynyń bazasynda praktıkalyq emtıhan tapsyra alady. Avtodromda B, C, CE, C1, D1 sanattary boıynsha synaqtan ótýge múmkindik bar. Al, teorııalyq emtıhandy Saryaǵash jáne Túrkistan qalalarynda da tapsyrýǵa bolady.
«Komıssııa memlekettik organdardyń ókilderimen birlesip praktıkalyq emtıhan qabyldaıdy. Emtıhandy dúısenbi-juma aralyǵynda saǵat 9:00-den 18:00-ge deıin Túrkistan qalasy Kóktem kóshesi, 59 A mekenjaıy boıynsha tapsyrýǵa bolady. Senbi jáne jeksenbi – demalys», - delingen «Azamattarǵa arnalǵan úkimet» memlekettik korporatsııasynyń Shymkent qalasy boıynsha fılıaly taratqan aqparatta.
Aıta keteıik, biz budan buryn shymkenttikter júrgizýshi kýáligin alý úshin mamandandyrylǵan halyqqa qyzmet kórsetý ortalyǵy aldynda túnimen kezekte turýǵa májbúr ekendigin jazǵan edik. Sebebi, bir ǵana mekeme Túrkistan oblysy men Shymkent qalasynyń turǵyndaryna qyzmet kórsetip kelgen bolatyn. Sonyń saldarynan uzyn-sonar kezek týyndap, qolaısyzdyq týdyrǵan edi.