Túrkistandyqtar memlekettik qyzmetterdi úıden shyqpaı-aq ala alady

TÚRKІSTAN. QazAqparat – Túrkistandyqtar memlekettik qyzmetterdi úıden shyqpaı-aq ala alady. Bul týraly Túrkistan oblysy Óńirlik kommýnıkatsııalar qyzmetinde ótken brıfıngte QR Bas prokýratýrasynyń quqyqtyq statıstıka jáne arnaıy esepke alý jónindegi komıtetiniń Túrkistan oblysy boıynsha basqarmasynyń qylmystyq saladaǵy quqyqtyq aqparattyq qalyptastyrý bóliminiń aǵa prokýrory Muqash Oshaev málimdedi, dep habarlaıdy QazAqparat tilshisi.

Muqash Oshaevtyń sózinshe, resmı qujattarǵa apostıl qoıýdy qospaǵanda, barlyq qyzmetter tegin. Atalǵan qyzmetti kórsetý úshin 0,5 AEK mólsherinde memlekettik baj alynady.

«Sottylǵan-sottalmaǵany jóninde anyqtama berý» memlekettik qyzmeti tolyǵymen avtomattandyrylǵan. Sonymen qatar, sottalmaǵany týraly anyqtamalar Qylmystyq Kodekstiń 79-baby tártibinde sottylyqtyń ótelýin eskere otyryp beriledi. ıAǵnı, qylmystyq qýdalaý toqtatylǵan, sottylyǵy joıylǵan nemese alynyp tastalǵan azamattar «sottalmaǵan» degen jazýy bar taza anyqtama alady. Qyzmet kórsetýdiń eń qysqa merzimi – 10 mınýt, qosymsha tekserý kezinde – 3 jumys kúni bolady», – dedi Muqash Oshaev.

Aıta keteıik, quqyqtyq statıstıka organdary búginde memlekettik qyzmettiń 4 túrin kórsetedi. Olar azamattardyń buryn-sońdy sottalý-sottalmaýy týraly, ákimshilik quqyq buzý, muraǵattyq anyqtamalar berip, prokýratýra organdarynan shyǵatyn resmı qujattarǵa apostıl qoıady. Endigi jerde bul qyzmetterdiń 3 túrin «elektrondyq úkimet» www.egov.kz veb-portaly arqyly alýǵa bolady. ıAǵnı, kez kelgen azamat úıden shyqpaı-aq, elektrondy tsıfrlyq qoltańba arqyly qyzmetterge onlaın tapsyrys bere alady. Ákimshilik quqyq buzý týraly málimetterdi elektrondyq formatta «elektrondyq úkimet» veb-portaly arqyly ala alasyz. Qyzmet nátıjesin 15 mınýtqa deıin beredi. Muraǵattyq anyqtamalardy berý de jeńildetildi. Muraǵattyq anyqtamany alý úshin «Azamattarǵa arnalǵan úkimet» memlekettik korporatsııasyna nemese veb-portal arqyly ótinish berý jetkilikti. Atalǵan qyzmetti kórsetý merzimi 30 kúntizbelik kúnnen 10 kúntizbelik kúnge deıin qysqartyldy.

Al, «Prokýratýra organdarynan, tergeý jáne anyqtaý organdarynan shyǵatyn resmı qujattarǵa apostıl qoıý» memlekettik qyzmeti avtomattandyrylmaǵan, memlekettik korporatsııa arqyly qaǵaz nysanda kórsetiledi. Qyzmet kórsetý merzimi - 5 jumys kúni.

Jalpy barlyq kórsetilgen memlekettik qyzmetter boıynsha qyzmet berýshi – Qr Bas prokýratýrasynyń quqyqtyq statıstıka jáne arnaıy esepke alý komıteti.