Túrkistandyqtar elektr energııasyna 29 mln teńge artyq tólegen

TÚRKІSTAN. QazAqparat – Túrkistandaǵy birneshe kóppáterli úıdiń jylý energııa tólemin artyq eseptegen, dep habarlaıdy QazAqparat Básekelestikti qorǵaý jáne damytý agenttigine silteme jasap.

«Túrkistan qalasynyń 9 jáne 11 kóshelerinde ornalasqan kóppáterli úılerdiń turǵyndarynyń jylý energııasyn tóleý úshin shot-faktýraǵa qatysty ótinishteri qaraldy. Departament ókilderi «Jylý» MKK tutynýshylardan eseptegish quraldary arqyly emes, tekshe metr arqyly esepteý júrgizgenin anyqtady. Ótinishti qaraý qorytyndysynda «Jylý» MKK joǵaryda atalǵan úılerdiń turǵyndaryna jalpy somasy 29 491 548,59 (Jıyrma toǵyz mıllıon tórt júz toqsan bir myń bes júz qyryq segiz teńge elý toǵyz tıyn) teńgege qaıta esepteý júrgizdi», - delingen habarlamada.

Aıta ketsek, QR Azamattyq kodeksiniń 488-babyna sáıkes, energııany kommertsııalyq esepke alýdyń avtomattandyrylǵan júıesin paıdalaný jaǵdaılaryn qospaǵanda, energııaǵa aqy tóleý esepke alý aspaptarynyń kórsetkishterine sáıkes anyqtalady, abonent is júzinde alǵan energııa mólsheri úshin, al olar bolmaǵan nemese ýaqytsha buzylǵan kezde esepteý arqyly júrgiziledi.