Túrkistandyqtar Elbasy Joldaýyndaǵy tyń bastamalardy yqylaspen qabyldady

TÚRKІSTAN. QazAqparat - Búgin Elbasy Nursultan Nazarbaev Qazaqstan halqyna Joldaýyn joldady. Memleket basshysynyń Joldaýyn Túrkistan oblysynyń turǵyndary tikeleı efırden tamashalady, dep habarlaıdy QazAqparat oblys ákiminiń baspasóz qyzmetine silteme jasap.

Kentaý transformator zaýytynda 200-ge jýyq adam óndiris ornynda Joldaýdy tikeleı efırden kórdi. Jumysshylar Prezıdenttiń jańa Joldaýyndaǵy kóterilgen bastamalardy zor yqylaspen qabyldady. Ásirese, halyqtyń áleýmettik jaǵdaıyn kóterýge baǵyttalǵan ıgi is-sharalarǵa rızashylyqtaryn bildirdi. 

Sondaı-aq, Túrkistan oblysynyń medıtsına salasynyń birqatar ókilderi óz jumys oryndarynda Joldaýdy kórse, Túrkistan qalasyndaǵy pedagogıkalyq kolledjde de arnaıy kórsetilim uıymdastyryldy. Bul ujymdarda kolledj muǵalimderi, stýdentter, aqsaqaldar jáne túrli etnos ókilderi Elbasy Joldaýyn tyńdady.   

Jalpy, Túrkistan oblysynyń barlyq aýdan, qalalarynda jurtshylyq Joldaýdy tamashalap, Elbasy bastamalaryna qoldaý bildirdi.