Túrkistandyq jýrnalıster Elbasyna saýlyq tileıdi – Abaı Balajan
«Búkil álemdi álekke salǵan koronavırýs dertiniń bizdiń elimizdi de, onyń ishinde jańa, jasampaz Qazaqstannyń negizin qalaǵan Sizdi de aınalyp ótpegeni kóńilimizge alań salyp qoıǵan jaıy bar. Áıtse de, álem boıynsha da, ózimizdiń Qazaqstan boıynsha da bul dertten kúnine myńdaǵan adamnyń saýyǵyp shyǵyp jatqany kóńilge úmit uıalatady. Bizge dárigerler kez kelgen aýrýǵa eń birinshi kezekte dárigerler men dári-dármekter emes, naýqas adamnyń óz boıyndaǵy ımmýnıteti qarsy turady dep túsindiredi. Al ımmýnıtet, bizdińshe, eń birinshi rýhy myqty adamdarda qýatty bolady. Máselege osy turǵydan kelgende, Sizdiń rýhyńyzdyń myqtylyǵyn búginde búkil álem moıyndaıdy»,- dedi Abaı Balajan.
Basylymnyń bas redaktory, sondaı-aq, elimiz egemendik alǵan tusta Elbasynyń Qazaqstandy álemdegi aldyńǵy qatarly memleket qataryna qosqan eńbegin erekshe atap ótedi.
«Siz sonshalyqty qajyrlylyqpen Qazaqstandy jyldar boıy tek órge súıreýmen kelesiz. Nátıjesinde Qazaqstan álem moıyndaǵan elge aınaldy! Álemde bılik qurǵan adamdar kóp. Olardyń naq sanyn birde-bir tarıhshy aıtyp bere almaıdy. Al, sol el bılegenderdiń arasynda astana salǵandary neken-saıaq. Al, Siz bir emes, eki astana salǵan adamsyz! Sebebi ıAsaýı ilimimen sýsyndap ósken búkil qazaq jurty Túrkistan qalasyn atamzamannan rýhanııat ordasy sanaǵan. Siz sol rýhanııat ordasyn bútin bir memlekettiń rýhanı astanasyna aınaldyryp jiberdińiz! Ekinshi tynysyn ózińiz ashqan qazirgi Túrkistan taıaý kúnderi-aq álemdegi ásem qalalardyń ortasynan oıyp turyp oryn alady dep senemiz! Saýyǵyp ketýińizge tileýlespiz, Ult Kóshbasshysy!» - deıdi Abaı Balajan.