Túrkistandyq jastar jańa jobany qolǵa aldy
Joba aıasynda jastar memlekettik mekemelerge, orta arnaýly oqý oryndaryna, joǵary oqý oryndaryna jáne halyq tyǵyz shoǵyrlanǵan jerlerde sýdy únemdeý joldary jazylǵan arnaıy paraqshalar taratty. Meıramhanalar men dámhanalardaǵy qol jýatyn, sý tutynatyn jerlerge arnaıy jadynamalardy ilip ketti.
«Qoǵamda sýdy únemdeý joldaryna mán berý kerek. Sońǵy ýaqytta jer sharynda aýyz sý eń úlken ózekti máselege aınalyp keledi. Sondyqtan tabıǵattyń berip otyrǵan syıyn biz tıimdi paıdalaný kerekpiz. Sý únemdeý mádenıetin qalyptasyryp, qadirine jete bileıik», – deıdi Jastar resýrstyq ortalyǵy KMM dırektorynyń mindetin atqarýshy Amalbek Ómirtaı.
Eriktilerdiń biri Sabına Kaıýmova bul jobaǵa qatysýǵa on kún buryn ótinish bildirgenin aıtady. Qoǵamǵa paıdaly iske qolǵabys etýdi jastaıynan meńgergen ol jańa jobanyń bereri mol dep biledi.
«Sý - tirshilik kózi. Sondyqtan, barynsha únemdep paıdalanýymyz qajet. Biz qoǵamdyq oryndardy aralap, joba boıynsha nasıhat jumysyn júrgizdik. Kópshilik jaqsy qabyldaýda. Kútip otyrǵan nátıjelerimiz de kóp», – deıdi volonter.