Túrkistandyq jastar Elbasy qoıǵan mindetterdi oryndaýǵa ázir - Balmarjan Narbekova

TÚRKІSTAN. QazAqparat - Memleket basshysynyń kezekti Joldaýyna baılanysty Túrkistan oblysy ákimdiginde Otbasy, balalar jáne jastar isteri jónindegi basqarmasynyń basshysy Balmarjan Narbekovanyń qatysýymen brıfıng ótti. Onda basqarma basshysy Túrkistan óńiriniń jastary Joldaýdy qoldaýǵa daıyn ekendigin jetkizdi, dep habarlaıdy QazAqparat tilshisi.

Balmarjan Narbekovanyń sózinshe, Prezıdent óz Joldaýynda jastar men otbasy ınstıtýtyn keshendi qoldaý memlekettik saıasattyń basymdyǵyna aınalýǵa tıis ekendigin atap ótti. Sondaı-aq, jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerektigin nyqtady.

«Elbasy Nursultan Ábishuly Nazarbaev «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna kezekti Joldaýynda 2019 jyl - jastar jyly dep ataýdy usynamyn dedi. Munyń ózi jastarǵa arnalǵan úlken qoldaý. Joldaýda aıtylǵandaı, 2019 jyldyń 1 qańtarynan bastap eń tómengi jalaqyny 1,5 ese, ıaǵnı 28 myńnan 42 myńǵa deıin ósirýdiń ózi jastarǵa edáýir kómek bolmaq. Bul turǵyda Túrkistan óńiriniń jastary Joldaýda aıtylǵan barlyq mejelerdi oryndaýǵa daıyn», - dedi Balmarjan Polatqyzy.

Aıta keteıik, Prezıdent Joldaýynda sonymen qatar  aýyldyq jerlerdiń áleýmettik ortasyn jańǵyrtýǵa baǵyttalǵan «Aýyl - El besigi» jobasynyń iske qosylýyn tapsyrǵan bolatyn. «Sarbaz» balalar-jasóspirimder birlestigin quryp, mektepterde áskerı-patrıottyq tárbıeniń rólin kúsheıtý qajettigin aıtty. Basqarma basshysy bul baǵytta da naqty sharalar qolǵa alynyp, tıisti jumystar atqarylatynyn  aıtyp ótti.