Túrkistandyq volonterler medıtsınalyq maska taratty

TÚRKІSTAN. QazAqparat – Túrkistan oblystyq Jastar resýrstyq ortalyǵynyń volonterlerinen quralǵan top koronavırýsty aldyn alý sharalaryn uıymdastyrdy, dep habarlaıdy QazAqparat tilshisi.

Jastar qala turǵyndary men kóshe boıyndaǵy qoǵamdyq jumysta júrgen qyzmetkerlerge, qurylys alańdary men aıaldamalarda turǵan kópshilik qaýymǵa 200-ge jýyq medıtsınalyq maskany taratty

Jastar oblystyq otbasy úlgisindegi balalar úıi men qarttar úıin, mektep–ınternattaryna da osyndaı qoldaýlar kórsetpek. Sondaı-aq, jekelegen qarttar men áleýmettik jaǵdaıy tómen, kópbalaly otbasylarǵa medıtsınalyq zalalsyzdandyrý suıyqtyqtary men qorǵanys betperdelerin, dári-dármek, azyq-túlik jetkizý jumystaryn qolǵa alyp jatyr.

Saqtyq erejeleri boıynsha túsindirme jumystaryn úzdiksiz jalǵastyrýdy josparlap otyr. Aıta keteıik, óńirde koronovırýs qaýipiniń aldyn-alý jáne tótenshe jaǵdaılar oryn alǵan jaǵdaıda shuǵyl túrde jumystar júrgizý, halqymyzdyń qaýipsizdigin saqtaý sharalary qolǵa alynǵan.

Áleýmettik álsiz top ókilderine kómektesý jumystaryna erikti kásipkerler men erikti jastar da óz qoldaýlaryn kórsetip jatyr.