Túrkistandyq ustazdar jańa oqý jylyn jalaqysyz qarsy aldy

Túrkistandyq ustazdar jańa oqý jylyn jalaqysyz qarsy aldy, - dep habarlaıdy QazAqparat tilshisi.

Basty másele - Túrkistan oblysy adamı áleýetti damytý basqarmasynyń ataýy aýysyna baılanysty týyndap otyr. ıAǵnı, budan bylaı mekeme Túrkistan oblysy bilim basqarmasy dep atalady. Qujat aýystyrý saldarynan ustazdardyń tamyz aıyndaǵy jalaqsy esep-shotqa túspeı qaldy. Sebebi, qujattandyrý isi kedergi bolǵan.

Al, búgin bilim basqarmasynyń baspasóz qyzmeti aldaǵy dúısenbiden bastap qujat ótkizý kezektiligine qaraı tıisti qarjylar aýdarylatyndyǵyn jetkizdi.

«Túrkistan oblysy bilim basqarmasynyń esepshoty ashylyp, bilim berý mekemelerine jalaqy tóleý bastaldy. Birinshi kezekte, aýdandaǵy mektepterge beriletin bolady, ekinshi kezekte jan basyn shaqqandaǵy qarjylandyrylatyn bilim berý mekemeleri jáne oblys deńgeıindegi bilim berý mekemelerine aýdarylady. Qazirgi tańda tirkeý jumystary iske asýda. Búgingi tańda 93 qalalyq, jáne 40 oblystyq bilim berý uımydary Ádilet departamentinen tolyq qujattaryn aldy. Dúısenbiden bastap qujat ótkizý kezektiligine qaraı tıisti qarjylar aýdarylady» - delingen Túrkistan oblysy bilim basqarmasynyń baspasóz qyzmeti usynǵan aqparatta.