Túrkistandyq turǵyn «Whats App» arqyly 5 oblystyń turǵyndaryn aldap, aqsha alyp kelgen
Túrkistan qalalyq polıtsııa basqarmasyna aryzdanǵan jergilikti turǵyn alaıaqtyqtyń qurbany bolǵandyǵyn jetkizgen. Aryzynda tanymaıtyn áıel «Whats App» arqyly «Krıptovalıýta» atty top quryp, aqshańdy eselep beremin dep alyp, qaıta qaıtarmaı qoıǵanyn kórsetken. Alaıaq jábirlenýshiden bas-aıaǵy 200 000 teńgege jýyq aqsha alǵan.
Júrgizilgen jumystardyń nátıjesinde kúdikti áıel táýlik ishinde anyqtaldy. Ol jasy 30-dan asqan Túrkistan qalasynyń turǵyny bolyp shyqty.
Tergeý barysynda kúdikti 17 turǵyndy jeli arqyly aldap, aqshalaryn alǵany anyqtaldy. Áıeldiń qurbandary Túrkistan, Almaty, Jambyl, Shyǵys Qazaqstan, Qyzylorda oblystarynyń turǵyndary. Olar alaıaqtyń jalǵan sózine senip, birneshe retten 5 000 – 200 000 teńge aralyǵyndaǵy aqshalaryn aýdaryp otyrǵan. Jábirlenýshilerge keltirilgen shyǵyn kólemi 2 mıllıonnan asady.
Qazirgi ýaqytta kúdiktige qatysty is sotqa joldandy.