Túrkistandyq túlek UBT-da 137 ball jınaǵan

NUR-SULTAN. QazAqparat - Testileýdiń alǵashqy kúninde eń joǵary 137 ball jınaǵan Súırik Qasym Túlkibas aýdanynyń oqýshysy ekeni málim boldy . Bul týraly QazAqparat Túrkistan oblysy óńirlik kommýnıkatsııa qyzmetine silteme jasap habarlaıdy.

Óńirlik kommýnıkatsııalar qyzmetiniń habarlaýynsha, Túrkistan oblysynda 130 baldan joǵary kórsetkishke qol jetkizgen 3 túlek bar. Onyń biri 137 ball jınaǵan Túlkibas aýdanynyń oqýshysy Súırik Qasym bolsa, Ordabasy aýdanynyń oqýshysy Laýra Muratbek pen Túlkibas aýdanynyń oqýshysy Arýjan Meırbek 135 ball alǵan.

Oblystyq bilim basqarmasy basshysynyń mindetin atqarýshy Ardaq Sadyqovanyń málimeti boıynsha, alǵashqy lektegi túlekterdiń ortaq baly 69,9 baldy quraǵan.

«Testileýge kirgizý kezinde UBT qaǵıda talaptarynyń buzylýǵan joq. Barlyq mektep bitirýshiler arnaıy ramaly metalizdegishter arqyly ótkizilip, uıaly telefondar alyndy. Qazirgi tańda 100 baldan joǵary jınaǵandar - 766 (20,9%) oqýshy bar. Búgin taǵy 4 aýdanda 1914 bala test tapsyrdy», - deıdi Ardaq Sadyqova.