Túrkistandyq sportshylar chempıonattardan 400-ge jýyq altyn medal jeńip alǵan
«Túrkistan oblysynyń sportshylary QR chempıonattarynda jalpy 839 medalǵa (273 - altyn, 274 - kúmis jáne 292 - qola) qol jetkizse, Azııa chempıonattarynda 139 medal (68 - altyn, 44 - kúmis jáne 27 - qola) ıelengen. Al, álem chempıonattarynda jalpy 72 medal (31 - altyn, 20 - kúmis jáne 21 - qola) jeńip aldy» delingen habarlamada.
Jalpy, óńir sportshylary barlyq chempıonattardan 372 altyn medalmen oralǵan.
2019 jyl qorytyndysymen oblysta 13 halyqaralyq dárejedegi sport sheberi, 39 QR sport sheberi, 180 sport sheberine úmitker sportshylar daıyndaldy. Túrkistan oblysynan Olımpıada oıyndarynyń lıtsenzııalyq jarystaryna 17 sportshy qatysady.
Aıta keterligi, Túrkistan oblysynda 67 memlekettik menshiktegi sport mekemeleri men kásiporyndary bar. Sondaı-aq, aǵymdaǵy jyly oblysta 4413 sport nysany tirkelip, bul kórsetkish, 2018 jylmen salystyrǵanda 149 sport nysanǵa artqan.
Buqaralyq sportty damytý maqsatynda ótken jyly oblys aýmaǵynda 4776 shara ótip, oǵan 609 myńnan astam adam qamtyldy. Jyl qorytyndysymen oblysta dene shynyqtyrý jáne sportpen turaqty túrde shuǵyldanýshylar sany - 618361 adamǵa jetip, oblystaǵy barlyq jastaǵy halyqtyń sportpen qamtylýy 30,7% qurady.
QR Úkimetiniń «Túrkistan oblysyn áleýmettik-ekonomıkalyq damytýdyń 2024 jylǵa deıingi keshendi josparyn bekitý týraly» №938 qaýlysyna sáıkes, 2020 jyly - 2, 2021 jyly - 6 sporttyq nysan el ıgiligine beriledi.