Túrkistandyq sheneýnik zeınetaqy taǵaıyndaǵany úshin para aldy degen kúdikke ilindi
16:26, 31 Naýryz 2022
NUR-SULTAN. QazAqparat - Bıylǵy jyldyń 24 naýryzynda Túrkistan qalalyq soty Túrkistan oblysy Eńbek, áleýmettik qorǵaý jáne kóshi-qon komıteti departamenti basshysynyń mindetin atqarýshy Dadametovty memlekettik qyzmette qyzmet atqarýǵa ómir boıyna tyıym sala otyryp, 23 mln teńge kóleminde aıyppul saldy.
Bul týraly QazAqparat QR Sybaılas jemqorlyqqar qarsy is-qımyl agenttiginiń baspasóz qyzmetine silteme jasap habarlaıdy.
Baspasóz qyzmetiniń málimetterine qaraǵanda, atalǵan laýazym ıesi Túrkistan oblysynyń «Azamattarǵa arnalǵan úkimet» qyzmetkerleri Atanbekov, Nalıbaev, Pirálıev jáne Kamaldan jeke tulǵalarǵa zeınetaqyny kedergisiz taǵaıyndaǵany úshin 30-dan 150 myń teńgege deıin para alǵany úshin kináli dep tanyldy.
«Úkim zańdy kúshine engen joq»,-delingen habarlamada.