Túrkistandyq polıtseılerdiń qaıyrymdylyq aktsııasy Keles pen Saıramda jalǵasty
Atalǵan qaıyrymdylyq sharasy «Nur Otan» partııasynyń «BIZBIRGEMIZ» respýblıkalyq aktsııasy aıasynda uıymdastyryldy. Sharany Keles aýdandyq polıtsııa bóliminiń basshysy polıtsııa polkovnıgi Bolat Qanybekov pen Іshki ister bólimi basshysynyń orynbasary Sattar Otynshıev, aýdandyq «Nur Otan» partııasy fılıaly tóraǵasynyń birinshi orynbasary Ahmet Jumabaev pen «Sát» medıaholdınginiń tilshisi Meıirhan Berikbaı bastap bardy. Olar eriktiler retinde aýdan kólemindegi qaza bolǵan Aýǵan soǵysy ardagerleriniń jáne asa muqtaj otbasylaryn qasıetti Ramazan aıymen quttyqtaı kele, azyq-túlikterdi tabystady. Sebetterdiń ishinde un, maı, kúrish jáne kúndelikti tutyný taýarlary bar. Igi bastama Abaı, Júzimdik. Oshaqty, Birtilek eldi mekenderinde de jalǵasyn tapty. Óz kezeginde qaıyrymdylyq sharasyn uıymdastyrýshylarǵa aýyl turǵyndary dán rızashylyqtaryn bildirdi.
«Igi iske uıytqy bolǵan jandardyń barshasyna úlken alǵysymyzdy aıtamyz. Oraza aıynda jasap jatqan qaıyrymdy isteri eselep qaıtsyn», – deıdi aýyl turǵyny Áıgerim Mambetova.
Al, Saıram aýdanynyń polıtseıleri turmysy tómen otbasylarǵa qolǵabys etti. Qazirgi karantın kezeńinde tártip saqshylary qyzmet babynda qaıtys bolǵan ishki ister organdary qyzmetkerleriniń otbasylaryna jáne aýdandaǵy turmysy tómen otbasylarǵa, jalpy sany 15 januıaǵa qaıyrymdylyq jasady. Qarjylaı da kómek kórsetti. Túrkistan oblysynda dástúrge aınalǵan bul ıgi sharalar aldaǵy ýaqytta da jalǵasady.