Túrkistandyq polıtseıler turmysy tómen otbasylarǵa azyq-túlik taratty

TÚRKІSTAN. QazAqparat – Túrkistan oblysynyń Maqtaaral aýdanynda tártip saqshylary kópbalaly analar men balalaryn ózi asyrap otyrǵan jalǵyzbasty turǵyndardyń úıine arnaıy baryp, azyq-túlik sebebin taratty, dep habarlaıdy QazAqparat tilshisi.

Atalǵan aýdandyq polıtsııa bólimindegi tergeý jáne anyqtaý bólimsheleriniń qyzmetkerleri óz qarjysyn jınap, 10-ǵa jýyq otbasyǵa kómek qolyn sozdy. Olar tótenshe jaǵdaı kezinde qıyndyqtardy bastan ótkerip otyrǵan januıalarǵa jáne olardyń balalaryna qýanysh syılaǵysy kelgenderin aıtady.

«Qoǵamdyq qaýipsizdikti qamtamasyz etý – basty mindetimiz bolsa da, jurtshylyqqa qoldan kelgenshe kómek kórsetý bizdiń kún tártibimizden túsken emes. Bul baǵyttaǵy jumys bizdiń polıtsııa bóliminde mereke saıyn jalǵasyn taýyp otyrady. Ár bólimdegi qyzmetkerler birigip, kómekke muqtajdarǵa qol ushyn sozyp turamyz. Bilim kúni qarsańynda da balalarǵa arnaıy sómke, oqý quraldary men kıim-keshekter satyp alyp berdik. Qysta turmysy tómen otbasylarǵa kómir, otyn túsirip beremiz. Qajet bolsa, azyq-túlik pen kıimnen bólek, qarjylaı kómek te beremiz. Bul joly árbir úıge eń qajetti degen azyq-túlikti jetkizip berdik», – deıdi polıtseıler.