Túrkistandyq polıtseıler sheteldikten geroın men psıhotroptyq zattar tárkiledi

TÚRKІSTAN. QazAqparat – «Jibek joly» ótkizý pýnktinde qyzmettik ıtti paıdalanǵan shekaralyq narıad Ózbekstan azamatynan esirtkilik zattar tárkiledi, dep habarlaıdy QazAqparat Túrkistan oblystyq PD baspasóz qyzmetine silteme jasap.

Túrkistan oblysy Saryaǵash aýdandyq polıtsııa bóliminiń 102 arnasyna QR UQK Shekara qyzmetinen esirtki tasymaldaý deregi boıynsha habarlama tústi.

«Jibek joly ótkizý pýnktinde qyzmettik ıtti paıdalanǵan shekaralyq narıad Ózbekstan azamatyn ustaǵan. Tekserý kezinde azamat kıiminiń qaltasynda shamamen 2 gramm bolatyn esirtki zaty bar ekenin moıyndaıdy.

Al, tintý júrgizgen polıtseıler kúdiktiniń syrt kıiminiń qaltasynan ishinde esirtkige uqsas zaty bar eki paketti tapty. Zertteý qorytyndysyna sáıkes, pakettiń birinde salmaǵy 0,2 gramnan asatyn psıhotroptyq zat bar ekendigi anyqtaldy. Al, kelesisinde salmaǵy shamamen 0,04 gramm bolatyn geroın ekeni rastaldy.

Qazirgi ýaqytta osy jaıt boıynsha QR QK-niń 286-babynyń 2-bóligi «Aınalystan alyp qoıylǵan zattardyń nemese aınalysy shektelgen zattardyń kontrabandasy» boıynsha sotqa deıingi tergeý amaldary júrgizilip jatyr. Kúdikti qamaýǵa alyndy.

Foto: Túrkistan oblystyq PD