Túrkistandyq ónertapqyshtar qoldan kólik qurastyrdy
Avtorlary bul kólikti «Avtopicnik» dep ataǵan. Ol tabıǵat aıasyna demalysqa shyǵýǵa óte qolaıly. Shaǵyn kólikpen júk tasymaldaýǵa da bolady. Sondaı-aq, kólikte úlken ústel men oryndyqtar, tipti shatyr da bar. Olardy qajet bolǵanda quryp, al júk salatyn kezde jınap qoıýǵa bolady.
«Bul kólikti birneshe maqsatta jasadyq. Demalysqa arnalǵan kóligimiz sátti shyǵyp, «World skills» chempıonatynda júldege ıe boldyq», - deıdi joba jetekshisi Bahtııar Dýstanov.
«Avtopicnik» kóligi ońtústik koreıalyq Daewoo Damas mıkroavtobýsynan jasalǵan. Ereksheligi – janarmaı óte az jaǵylady. Sondaı-aq, kún sáýlesinen qýat alatyn jaryqtandyrý qurylǵylarymen jabdyqtalǵan. Bul qurylǵylary qarańǵyda da qýattala beredi. Ol úshin janyp turǵan shamdardy qýattaǵyshqa qaratyp qoıý jetkilikti.
Keles aýdanynyń ákimi Aqmentaı Esbaev kóliktiń múmkindikterimen tanysyp, jobany júzege asyrǵan shyǵarmashylyq ujymnyń eńbegin joǵary baǵalady.
Aıta keteıik, osyǵan deıin de atalǵan kolledj ujymy janar-jaǵar maısyz, elektr qýatymen qozǵalatyn kólik qurap shyqqan.