Túrkistandyq oqýshylar ǵarysh nanoserigimen baılanys ornatty

TÚRKІSTAN. QazAqparat – Túrkistan qalasyndaǵy oqýshylar saraıynda elimizdegi jalǵyz spýtnıktik robot tehnıkasy úıirmesi jumys isteıdi. Oǵan 30-ǵa jýyq bala qatyssa, basym bóligi – qyzdar, dep habarlaıdy QazAqparat Oqý-aǵartý mınıstrligine silteme jasap.

Bolashaq ǵalymdar ǵaryshtaǵy nanospýtnıkpen baılanys ornatyp úlgerdi. Olar óz jumystary arqyly aýa temperatýrasy, qysym, ylǵaldylyq pen aýanyń lastanýy týraly málimetter jınady.

Joba jetekshisi Erkin Aqtaevtyń aıtýynsha, balalar teorııa arqyly nanotehnologııada mıkrosulbalardy qurastyrýdy úırenedi. Sodan keıin olar arnaıy kompıýterlik baǵdarlamalar arqyly barlyq qajetti aqparatty engizedi.

«Basty maqsat – ǵylymmen aınalysýǵa qolaıly jaǵdaı týǵyzý arqyly úderis barysynda oqýshylardyń bilimge degen qyzyǵýshylyǵyn arttyrý, óz betinshe bilim alýǵa qushtarlyǵyn damytý, sonymen qatar kómek kórsetý, baǵyt-baǵdar berý. Bul úıirmege 12 jastan asqan ǵylymǵa, tehnologııaǵa, tehnıka men matematıkaǵa qyzyǵatyn kez kelgen oqýshy qatysa alady», - deıdi ustaz Erkin Aqtaev.

Aıta keterligi, úıirmege qatysýshylar bir jyl ishinde aıtarlyqtaı jetistikterge qol jetkizdi. Ótken jyly atmosferanyń joǵarǵy qabatyna 2 zamanaýı nanospýtnık ushyryldy. Salmaǵy 1-den 10 kelige deıingi shaǵyn ǵarysh apparattaryna birneshe kamera men sensorlarmen jabdyqtalǵan. Osylaısha, osy nanospýtnıkterdiń kómegimen atmosferaǵa qatysty birqatar aqparat alyndy. Qazan aıynda olar juldyzdy aspandy zertteýge kómektesetin taǵy bir nanospýtnık qurastyrýdy josparlap otyr.