Túrkistandyq medıtsına qyzmetkerleri «Aqjol» partııasynyń tósbelgisimen marapattaldy

TÚRKІSTAN. QazAqparat - Búgin «Aqjol» demokratııalyq partııasynyń tóraǵasy Azat Perýashev Túrkistan qalasyna kelip, birqatar qurylys nysandarynda boldy. Jańadan salynǵan záýlim ǵımarattardy aralap, jergilikti halyqpen tildesti, dep habarlaıdy QazAqparat tilshisi.

Partııa tóraǵasy sondaı-aq, shahardaǵy jekemenshik klınıkaǵa baryp, medıtsına qyzmetkerlerimen kezdesti. Jıynda jergilikti aýrýhanalar men emhanalardyń búgingi problemalary talqylandy. Sonymen qatar Úkimetten bólingen qarajattyń medıtsına qyzmetkerlerine berilý barysy sóz boldy.

Azat Perýashev dárigerler men orta býyn mamandarynyń talap-tilekteri men usynys- pikirlerin tyńdap, qajet bolǵan jaǵdaıda Úkimetke nemese Densaýlyq saqtaý mınıstrligine jetkizetinin atap ótti. Budan bólek, pandemııa kezinde provızorlyq bólimshede 300-den asa naýqasty emdep, aman alyp qalǵan sala mamandaryna alǵysyn jetkizdi. Qaýipti indet beleń alǵan tusta ýaqytpen sanaspaı, óz densaýlyǵyn qaterge tikken birqatar medıtsına qyzmetkerlerin partııanyń «Janqııarlyq erligi úshin» tósbelgisimen marapattady.