Túrkistandyq qurylysshylar 4 otbasyna baspana salyp berdi

TÚRKІSTAN. QazAqparat - Túrkistan qalasynda qurylys júrgizýshi merdiger kompanııalar áleýmettik qoldaýǵa muqtaj 4 otbasyna baspana salyp berdi, dep habarlaıdy QazAqparat tilshisi.

Osydan birshama ýaqyt buryn qala ákimi Nurbol Turashbekov qıyn jaǵdaıda kún keship júrgen jandardy úımen qamtamasyz etý týraly bastama kóterip, qurylysshylarǵa usynys joldaǵan bolatyn. Sonyń negizinde búgin 4 otbasy qýanyshqa keneldi.

«Búgin biz ónegeli istiń kýási bolyp otyrmyz. El ishinde: «Jamandyq paıda etpeıdi, jaqsylyq zaıa ketpeıdi» degen qanatty sóz bar. Qaıyrymdy bolý – adamnyń bolmysyna bitken izgi amal. Mańaıyńdaǵy adamdarǵa meıirimdilik pen izgilik tanytý – adamgershiliktiń belgisi. Al, adamzattyń barlyǵyna «baýyrym» dep qaraý Abaıdan qalǵan ósıet. Osy ósıetke adaldyq tanytyp, búgingi ıgi istiń bastamashysy bolǵan qalamyzdaǵy qurylysshylar qaýymyna shynaıy alǵysymdy bildiremin! – degen Túrkistan qalasynyń ákimi Nurbol Turashbekov baspana kiltin jańa ıelerine tapsyrdy.

Ár otbasyna usynylǵan úı úsh bólmeden turady, baspanalar qajetti jıhazben turmystyq tehnıkalarmen qamtamasyz etilgen,

Merekelik jıyn barysynda qurylys salasynyń úzdikteri marapattaldy.