Túrkistandyq kókparshylar «Nur Otan» partııasyn qoldady
Túrkistan oblysy, Maqtaaral aýdanyndaǵy nurotandyqtar Iirjar aýyldyq okrýginiń kókparshylarymen kezdesti. Kezdesý barysynda kandıdattar partııanyń saılaýaldy baǵdarlamasyn túsindirip, ondaǵy 7 basymdyqqa toqtaldy. Shabandozdarmen tildesip, usynys-pikirlerin tyńdady. Suraqtaryna jaýap berdi.
Shabandozdar yqylym zamannan beri qazaqtyń qanyna sińip, dástúrimen bite qaınasyp kele jatqan, zaman talabyna saı túrlenip, tolysa túsken ulttyq at sportyn damytý, jas urpaqtyń arasynda keńinen nasıhattaý máselelelerin kóterdi. Óskeleń urpaqtyń arasynda taqymy myqty, bilekti de júrekti jigitterdi tárbıeleý kerektigi aıtyldy.
Shabandozdar men atbegilerdiń usynystaryn tyńdaǵan úmitkerler aıtylǵan máseleler partııanyń saılaýaldy baǵdarlamasynda qaralǵandyǵyn jetkizdi.
Atap aıtsaq, aldaǵy 5 jylda Túrkistan oblysynda halyqaralyq talapqa saı ıppodrom ashylady. 4 dene shynyqtyrý-saýyqtyrý ortalyǵy salynady. Bul qadam ulttyq sportty damytýǵa serpin bermek. «Nur Otan» partııasy sport nysandarynyń salynýymen qatar ulttyq sport túrleriniń damýyna da qoldaý kórsetýdi jalǵastyrady. Buǵan deıin de elimizdegi eń aýqymdy dodalar partııanyń qoldaýymen ótip júrgenin el biledi.
Búginde Túrkistan oblysy kókpar, aýdaryspaq, teńge ilý, jamby atý sporty túrlerinen Qazaqstanda ǵana emes, álemdik deńgeıde úzdikter qatarynda. Oblystyń 16 aýdan, qalasynda da kókpar komandalary, taqymy myqty shabandozdary bar.
Myrzashól tórindegi sporttyq ári pikir almasý is-sharasynda el azamattary «Nur Otan» partııasynyń baǵdarlamasyndaǵy aýyldy damytý, ulttyq sport túrlerin, jalpy buqaralyq sportty qoldaý baǵytyndaǵy bastamalaryn qoldady. Tulparlarynyń ústinde Qazaqstannyń týyn jelbiretip, birlikti, turaqtylyqty, damýdy urandap shapqan azamattar elmen birge ekenderin jetkizdi.
Jigittiń sultandary, eldiń suńqarlary senim artqan partııaǵa daýys ber! Jeńimpazdar qatarynda bol! Biz birgemiz!
«Nur Otan» partııasy Túrkistan oblystyq fılıalynyń baspasóz qyzmeti
«Nur Otan» partııasy saılaýaldy shtabynyń qorynan tólendi