Túrkistandyq kásipkerler medsaqtandyrý júıesin engizý tártibimen tanysty
Ashat Beısenbaev jańa júıeniń tártibi men artyqshylyqtaryn keńinen sóz etti. Onyń aıtýynsha, aǵymdaǵy jyly jeke kásipkerler jarna tóleýden bosatylǵan. Biraq jumys berýshi retinde ózderiniń jaldamaly qyzmetkerleri úshin aýdarymdardy tóleýdi jalǵastyrýda.
«Mindetti áleýmettik medıtsınalyq saqtandyrý týraly» Zańǵa sáıkes 2020 jyldyń 1 qańtarynan bastap JK jarnalary esepteý obektileriniń 5%-yn quraıdy. Jeke kásipkerlerdiń jarnasyn esepteý obektisi - respýblıkalyq bıýdjet týraly zańmen tıisti qarjy jylyna belgilengen eń tómengi jalaqynyń 1,4 eselengen mólsheri. Osylaısha JK 1,4 ETJ-nyń 5% tóleıdi», - deıdi fılıal dırektory.
Jıynda kásipkerler tarapynan jarna tólerde qarastyrylǵan jeńildikter men tóleý merzimderi jáne kólemi týraly saýaldar qoıyldy. Qor ókiliniń aıtýynsha, elimizde mindetti jarnany tóleýdi kelesi jyldan bastap memleket júzege asyratyn jeńildik berilgen azamattar sanatyna jatatyn 11 mln azamat bar. Al, zııandy óndiris oryndarynda qyzmet etetin adamdar jeńildik berilgen azamattar sanatyna kirmeıdi.
«Alaıda, 2017 jyldyń 1 shildesinen beri barlyq jumys berýshiler óz qyzmetkerleri úshin Áleýmettik medıtsınalyq saqtandyrý qoryna mindetti jarna aýdaryp otyrǵanyn túsiný kerek. Sondyqtan, 2020 jyldyń 1 qańtarynan bastap barlyq qyzmetkerler áleýmettik medıtsınalyq saqtandyrýdyń tolyqqandy qatysýshysy bola otyryp, sapaly jáne qoljetimdi medıtsınalyq kómekpen qamtamasyz etiledi»,- dedi Ashat Beısenbaev.
Jıyn sońynda túrkistandyq kásipkerler kelesi jyldan bastap engiziletin medıtsınalyq saqtandyrý júıesiniń árbir azamattyń óz densaýlyǵyna jaýapkershiligin arttyrady degen oıyn bildirdi.