Túrkistandyq etnomádenı birlestik ókilderi barsha qazaqstandyqtarǵa chellendj joldady

TÚRKІSTAN. QazAqparat- Túrkistanda Alǵys aıtý kúnine arnalǵan onkúndik bastaldy, dep habarlaıdy QazAqparat tilshisi.

Merekelik is-sharalarmen aıshyqtalatyn ár kún adamdardy yntymaq pen birlikke, tatýlyqqa shaqyrady.

Onkúndiktiń ashylý saltanaty etnos ókilderiniń merekelik sherýimen bastaldy. Q.A.ıAsaýı kesenesinen, «Kerýen saraı» kópfýnktsıonaldy týrıstik keshenine barǵan etnomádenı birlestik ókilderi jurtshylyqty Alǵys aıtý kúnimen quttyqtap, barsha qazaqstandyqtarǵa chellendj joldady.

Jıynda qalalyq slavıan etnomádenı birlestigi tóraǵasynyń orynbasary Irına Cheganova mundaı shara eldi birlikke úndeıtinin aıtty.

«Alǵys aıtý kúni – bir-birimizge degen qurmetimiz ben syılastyǵymyzdy arttyratyn meıram. Tarıh toǵystyrǵan, taǵdyr tabystyrǵan barsha etnos ókilderiniń berik birligi men tatý tirligi Qazaqstannyń basty jetistigi. Búgin merekeniń mán-mańyzyn arttyratyn osyndaı ıgi sharaǵa kýá boldyq. Bul - bizdiń birligimizdi nyǵaıtady», – dedi ol.

Sharaǵa qatysýshylar qazaq eline alǵys bildirý maqsatynda bir shańyraq astyna jınalyp, eldegi yntymaq pen birliktiń úlgisin kórsetti.