Túrkistandyq dárigerleri qaıyrymdylyq shara ótkizdi
Aýdandyq ortalyq aýrýhana basshylyǵynyń uıymdastyrǵan sharaǵa áleýmettik qyzmetkerler men psıholog mamandar, salaýatty ómir saltyn qalyptastyrý salasynyń ókilderi de atsalysty.
Aq halattylar múmkindigi shekteýli balalardy áleýmettik ortaǵa beıimdep, olardy ata-analarymen birge Kóktem merekesimen quttyqtady. Jetkinshekterge kóterińki kóńil kúı syılaǵan dárigerler demeýshilerdiń kómegimen daıyndalǵan syı-sııapattardy tabystady. Kontserttik baǵdarlama daıyndap, balǵyndardy bir serpiltip tastady. Sharaǵa qatysqan Ordabasy aýdany ákiminiń orynbasary Azat Oralbaev pen Ordabasy aýdandyq ortalyq aýrýhanasynyń basshylyǵy da quttyqtaý sóz sóılep, jaqsy tilekterin jetkizdi.
Aıta keteıik, 100 myńnan astam turǵyny bar Ordabasy aýdanynda 43 myńnan asa jas pen jasóspirim bar. Aýdan boıynsha 500-den asa múgedek bala tirkelgen. Olardyń barlyǵyna memleket tarapynan qaralǵan medıtsınalyq kómek tolyq kórsetilip keledi. Múmkindigi shekteýli balalar ońaltý ortalyqtarynda em qabyldap, tıisti deńgeıde em - domyn alýda. Aldaǵy ýaqytta aýdandyq ortalyq aýrýhana basshylyǵy tarapynan mundaı qaıyrymdylyq sharalaryn dástúrli túrde ótkizip turý josparlanyp otyr.