Túrkistandyq aqsaqaldar jaǵdaıy tómen otbasylar úshin azyq-túlik pen kıim-keshek jınaýdy qolǵa aldy

TÚRKІSTAN. QazAqparat – Túrkistan oblystyq aqsaqaldar alqasy bastama kóterip, arnaıy áleýmettik dúkenge demeýshiler tarapynan azyq-túlik pen kıim-keshek jınaýdy qolǵa aldy. Alqa tóraǵasy Jarylqasyn Áziretbergenov jınalǵan zattar az qamtylǵan januıalarǵa úlestiriletinin aıtady, dep habarlaıdy QazAqparat tilshisi.

Búginde óńirde on alty aımaqqa belgilengen aýylnaılar az qamtylǵan otbasylar tizimin jasap, aptasyna bir rettik tegin kıim men azyq-túlik taratady. Óz kezeginde áleýmettik dúkenge demeýshilik jasaǵan oblystyq máslıhat depýtaty Baımahan Súleımenov óz qarajatynan 2 tonna azyq-túlik bólip, el alǵysyna bólendi.

Sondaı-aq, aýyr indettiń aldyn alý men saqtaný sharalary boıynsha atqarylyp jatqan sharalardyń qatarynda azyq-túlik baǵasyn turaqtandyrý salasy da bar ekeni belgili. Oblystyq aqsaqaldar alqasy bul baǵytta da aýqymdy jumystar atqaryp otyr. El aǵalarynyń qaıyrymdylyq áreketterine kópbalaly analar rızashylyǵyn bildirýde. Qaıyrymdy sharalardan járdem alǵan januıa músheleri jaqsylyq jasaýshylarǵa alǵystaryn aıtyp otyr.