Túrkistandyq 28 jastaǵy ana úshemdi ómirge ákeldi

TÚRKІSTAN. QazAqparat - 28 jastaǵy Qymbat Sarybaıqyzy Raıana, Rázııa jáne Rábııa esimdi úshemdi dúnıege ákelip, alty balanyń anasy atandy, dep habarlaıdy QazAqparat tilshisi.

Bir aı buryn dúnıege kelgen úshemder 30 kún boıy dárigerlerdiń qaraýynda bolyp, búgin úıine shyǵaryldy. 3 uldan keıin qyzdy bolýdy armandaǵan Tınebekovter otbasy birden 3 qyzǵaldaqpen tolyqty.

«Qazir úsh qyzdyń jaǵdaıy qalypty. Aldaǵy ýaqytta da jaǵdaılaryn qadaǵalap, turaqty túrde baqylap otyratyn bolamyz», - dedi perınataldy ortalyqtyń bas dárigeri Gúlbaný Jumaǵalıqyzy.

Túrkistan qalasy ákiminiń orynbasary Erlan Baqytjanuly kópbalaly otbasyǵa qala ákimniń quttyqtaýyn jetkizip, arnaıy syılyqtardy tabys etti.

Al, úshemderdiń anasy úlken qurmet kórsetken qala basshylyǵy men dárigerlerge alǵysyn aıtty.

«Keremet sezim, eshteńe aıta almaımyn, qatty qobaljyp júrmin. Búkil perzenthanaǵa úlken alǵys aıtamyn, dárigerleri keremet! Qudaıǵa shúkir, joldasym men enem janymda boldy. Qazir úıde búkil otbasym kútip otyr, óte qýanyshtymyn! Bolashaqta taǵy balalarym bolady dep oılaımyn», - dep Qymbat.

Aıta keteıik, jalpy jyl basynan beri Túrkistan qalasynda 3740 náreste týylsa, onyń 16-y egizder. Al, bul jyl basynan beri qalada dúnıe esigin ashqan ekinshi úshem.