Túrkistandaǵy ortalyq jylý qazandyǵy tabıǵı gazǵa kóshirildi

TÚRKІSTAN. QazAqparat - Túrkistan qalasynda ortalyqtandyrylǵan jylý júıesine qosylǵan ǵımarattarǵa jylý berile bastady. Ortalyq qazandyq bıyldan bastap qatty otynnan arylyp, tolyqtaı tabıǵı gazǵa kóshirildi, dep habarlaıdy QazAqparat tilshisi.

Qazandyqty kógildir otynǵa aýystyrý úshin respýblıkalyq bıýdjetten 750 mln teńge qaralyp, almatylyq «ASI Building» JShS merdiger kompanııasy qurylys jumystaryn júrgizgen.

Munda avtomatıkalyq baqylaý, jylý júıesi, sýdy hımııalyq tazalaý jáne sýmen jabdyqtaý bólimderi bar.

Al, «Otyrar» yqshamaýdanynda ótken jyldan bastap №2 jáne №3 qazandyq bólimsheleri iske qosylǵan. Qazirgi tańda «Jylý» MKK «Otyrar» yqshamaýdanynda 29 kópqabatty, I jáne II móltekaýdanda 75 kópqabatty úıge jylý bergen.

Taǵy 28 áleýmettik bıýdjettik mekeme men 54 jeke úı jylýmen qamtamasyz etilip otyr. Sondaı-aq, qazandyqtyń qoımasynda qosymsha 1200 tonna kómir qory saqtalǵan.

Kógildir otynmen jylytý kezinde qandaı da bir aqaý bolǵan jaǵdaıda eski qazandyq peshi kómirmen jylý berýge rezevke daıyn bolmaq.

Mekeme dırektory Erǵazy Rysbekovtyń aıtýynsha, ujymda jalpy shtattyq kestege saı 113 jumysshy eńbek etedi.

Onyń ishinde 78 adam aýysymdyq jumysqa jumyldyrylǵan. Al, jylytý maýsymy 149 kúnge sozylady dep josparlanyp otyr.