Túrkistandaǵy lıfttegi jaǵdaı: Áıeldiń ólimine qatysty sotqa deıingi tergeý bastaldy
19:09, 14 Tamyz 2023
TÚRKІSTAN. QazAqparat- Túrkistanda lıfti shahtasyna qulap, mert bolǵan bolǵan keıýananyń ólimine qatysty sotqa deıingi tergeý júrgizilýde, dep habarlaıdy QazAqparat tilshisi.
Qazirgi tańda oqıǵanyń mán-jaıy anyqtalyp jatyr. Sotqa deıingi tergeý amaldary da júrip jatyr.
«Atalǵan jaǵdaı Túrkistan qalalyq polıtsııa basqarmasyna QR QK-niń 278-baby 2-bóligi «Abaısyzda adam ólimine nemese ózge de aýyr zardaptarǵa ákep soqqan is-áreketter» boıynsha tirkeldi. Saraptamalar taǵaıyndaldy. Onyń nátıjeleri boıynsha quqyqtyq baǵa beriletin bolady»-delingen Túrkistan oblysy polıtsııa departamentiniń baspasóz qyzmeti taratqan aqparatta.
Aıta keteıik, búgin tańerteń Túrkistanda 74 jastaǵy áıel lıft shahtasyna qulap, mert bolǵanyn jazǵan bolatynbyz.